Qazaxıstanın cənubunda yerləşən Şimkənddə bünövrə qazan zaman torpaq uçqunu baş verib və nəticədə 3 fəhlə dağıntılar altında qalıb.
APA-nın RİA Novosti-yə istinadən xəbərinə görə, bu barədə Qazaxıstan Daxili İşlər Nazirliyinin Fövqəladə Hallar Komitəsinin rəsmi nümayəndəsi Nursultan Nurəhmədov məlumat verib.
Onun sözlərinə görə, dağıntılar altında qalan fəhlələrdən biri xilas edilib, ikisi isə həlak olub.