"İran Azərbaycanla kəndlərin inkişafı sahəsində əməkdaşlığa hazırdır".
Bunu İranda köçərilər və kəndlilərin inkişafı üzrə dördüncü sərgidə (IRDX98) APA-nın Tehran bürosuna açıqlamasında İran Prezident Aparatının məhrum bölgələr və kəndlərin inkişafı üzrə idarəsinin sədr müavini Məhəmməd Ümid deyib.
O qeyd edib ki, Azərbaycan Respubliaksı kəndlərin inkişafı sahəsində çox yaxşı addımlar atıb: "Azərbaycanın bu sahədəki səyi və İranın təcrübəsi iki ölkə arasında əməkdaşlıq üçün geniş zəmin yaradır. İstərdik ki, gələn il təşkil olunacaq sərgidə Azərbaycan da iştirak etsin. Kəndlərin inkişafı sahəsində Azərbaycanla əməkdaşlıq etməyə hazırıq. Düşünürəm ki, iki ölkənin bu sahədə təcrübə mübadiləsi çox faydalı olacaq”.
Qeyd edək ki, İranın köçərilər və kəndlilərin inkişafı üzrə dördüncü sərgisi (IRDX98) avqustun 15-də fəaliyyətə başlayıb. Tehranın Beynəlxalq Sərgi Mərkəzində 30 min kvadrat metr ərazidə yerləşən sərgi sabah sona çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
