ABŞ-ın BMT-dəki səfiri Kelli Kraft növbəti həftə Tayvana səfər edəcək.
APA-nın “Reuters”ə istinadən verdiyi xəbərə görə, amerikalı diplomat səfəri çərçivəsində Tayvanın yüksək səviyyəli rəsmiləri ilə görüşlər keçirəcək.
ABŞ-ın BMT-dəki Daimi Nümayəndəliyindən bildirilib ki, səfir Kelli Kraft yanvarın 13-15-də Tayvanda səfərdə olacaq.
Tayvanın Xarici İşlər Nazirliyi (XİN) isə ABŞ-ın BMT-dəki səfirinin Tayvan Prezidenti Tsai İnq-ven və xarici işlər naziri Cozef Vu ilə görüşəcəyini açıqlayıb.
Çinin BMT-dəki Daimi Nümayəndəliyi isə Kelli Kraftın Tayvana səfərini pisləyib: “Biz ABŞ-a xatırlatmaq istərdik ki, kim odla oynayırsa, od həmin adamın özünü yandırır. ABŞ etdiyi səhv hərəkətə görə ağır bədəl ödəyəcək. ABŞ-ı açıq təxribatlardan əl çəkməyə, Çin-ABŞ münasibətləri və iki ölkənin BMT-dəki əməkdaşlığı üçün yeni çətinliklər yaratmağı sonlandırmağa və yanlış yolda getməyi dayandırmağa çağırırıq”.
Qeyd edək ki, ABŞ-ın əksər ölkələr kimi Tayvanla rəsmi diplomatik münasibətləri olmasa da, o, Tayvanın ən güclü beynəlxalq dəstəkçisi və silah tədarükçüsüdür. ABŞ 1979-cu ildə qəbul olunan Tayvanla Münasibətlər Aktı çərçivəsində bu adanı özünümüdafiə vasitələri ilə təmin edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
