İran Ordusu: Gəmi ilə bağlı insident zamanı 19 nəfər həlak olub, 15 nəfər yaralanıb - YENİLƏNİB-1

 İran Ordusu: Gəmi ilə bağlı insident zamanı 19 nəfər həlak olub, 15 nəfər yaralanıb - YENİLƏNİB-1
  • Clock-gray 11:22
  • calendar-gray 11 May 2020

İran gəmisi ilə bağlı vermiş insident zamanı 19 nəfər həlak olub, 15 nəfər yaralanıb.

APA-nın RİA Novosti agentliyinə istinadən verdiyi xəbərə görə, bu barədə İran Ordusunun mətbuat xidməti məlumat yayıb.

Lakin mətbuat xidməti insidentin yanlış raket atışı nəticəsində baş verdiyini təsdiqləməyib.  

***

10.45

İranın Hərbi Dəniz Qüvvələri (HDQ) “Kənarək” gəmisinin təlim zamanı “Jamaran” eskadron-məhvedici döyüş gəmisi tərəfindən atılmış raketlə səhvən vurulduğunu təsdiqləyib.

APA-nın Tehran bürosunun məlumatına görə, HDQ-nin yaydığı açıqlamada bildirilib ki, ötən gün təlim məşqi zamanı baş vermiş insident nəticəsində 1 nəfər ölüb, bir neçə nəfər yaralanıb. Hadisənin başvermə səbəbləri araşdırılır.

İranşəhr şəhər Tibb Universitetinin rektoru bildirib ki, xəsarət alanlardan 16 nəfər İmam Əli adına xəstəxanaya çatdırılıb. Onlardan biri ölüb, 3 nəfər reanimasiya şöbəsinə yerləşdirilib. Hazırda xəstəxanada 12 nəfər var.

***

04.43

İran Hərbi Dəniz Qüvvələrinə məxsus “Konarak” gəmisi təlim zamanı “Jamaran” eskadron-məhvedici döyüş gəmisi tərəfindən atılmış raketlə səhvən vurulub.

APA-nın Tehran bürosunun məlumatına görə, bunu “Tasnim” xəbər agentliyinin jurnalisti Mehdi Bəxtiyari “Twitter” səhifəsində yazıb: “Deyilənlərə görə, “Jamaran” gəmisi tərəfindən atılan raket səhvən hərbi logistika gəmisi olan “Konarak” gəmisinə dəyib”.

Onun sözlərinə görə, hələlik rəsmi mənbələr xəbəri təsdiqləməyiblər. O, həmçinin ölən və yaralananların sayının bilinmədiyini deyib.

Digər bir jurnalist Həmid Hacipur isə öz “Twitter” səhifəsində yazıb ki: “Çabahar xəstəxanasından verilən məlumata görə, bu hadisədə 40 nəfər ölüb. Onlardan 22 nəfərin cənazəsi tapılıb”.

Hələlik rəsmi xəbər saytları bununla bağlı xəbər verməyiblər.

 

Süleyman Fərzəliyev

Digər xəbərlər