Əfqanıstanın paytaxtı Kabil şəhərində törədilmiş partlayışda ölən və xəsarət alanların sayı artıb.
APA “Əl-Cəzirə”yə istinadən xəbər verir ki, ölənlərin sayı 32 nəfərə çatıb.
Yaralıların sayı isə ən azı 40 nəfərdir.
***
09:59
Əfqanıstanın paytaxtı Kabilin qərbində tədris mərkəzində baş verən partlayışda 20 nəfər ölüb, 35 nəfər xəsarət alıb.
APA TASS-a istinadən xəbər verir ki, Taliban hərəkatının nümayəndəsi partlayışın terrorçu-kamikadze tərəfindən törədildiyini bildirib.
Partlayışın imtahan vaxtı baş verdiyi qeyd olunub.