Fransa Milli Assambleyasının sədri pensiya islahatlarının ləğvinin qarşısını alacağını deyib.
APA xəbər verir ki, bu barədə sədr Yael Bron-Pive Radio Monte-Carlo (RMC) efirində müsahibəsi zamanı deyib.
O qeyd edib ki, Fransa konstitusiyası büdcə xərclərinin artırılmasını nəzərdə tutan düzəlişlərin deputatlar tərəfindən təklif olunmasını məhdudlaşdırır.
Bu səbəbdən də Yael Bron-Pive müxalifətin pensiya yaşının 64 yaşa qaldırılmasının ləğvi ilə bağlı təklifinə baxılmasını əngəlləmək niyyətindədir:
“Mən bu düzəlişləri və təklifləri qəbuledilməz hesab edirəm”, - deyə o bildirib.
Xatırladaq ki, Fransa müxalifəti pensiya islahatlarının ləğvini və pensiya yaşının 64-dən 62-yə endirilməsini təklif edib. Fransa hökuməti isə əvvəlki pensiya yaşının (62 yaş) bərpasının büdcə xərclərinin 15 milyard avro artmasına səbəb olacağını bildirmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
