Ukrayna Prezidenti Vladimir Zelenski iyun ayında Madriddə keçiriləcək NATO sammitində iştirak edə bilər.
APA TASS-a istinadən xəbər verir ki, bu barədə NATO baş katibinin müavini Mirça Coane deyib. O, NATO-ya üzv ölkələrin dövlət və hökumət başçılarının görüşünə Ukrayna liderinin qatılacağını istisna etməyib.
Qeyd edək ki, İspaniyanın paytaxtı Madrid şəhərində keçiriləcək sammit iyunun 28-dən 30-dək davam edəcək.