Azərbaycan Silahlı Qüvvələri Günü Gürcüstanın paytaxtı Tbilisidə qeyd olunub.
APA-nın yerli bürosu xəbər verir ki, Azərbaycanın Gürcüstandakı səfiri Dursun Həsənov, səfirliyin hərbi attaşe aparatının rəhbəri polkovnik-leytenant Fuad İbrahimov, Gürcüstandan olan Qarabağ və 20 Yanvar şəhidlərinin valideynləri və yaxınları Tbilisinin mərkəzində yerləşən Heydər Əliyev Parkında Ümummilli Liderin abidəsini ziyarət edib və abidənin önünə gül dəstələri qoyublar.