Bu ilin yanvar-may ayları ərzində Azərbaycanın Gürcüstana təbii qaz və qazlı hidrokarbonatlar ixracı artıb. APA-nın yerli bürosu xəbər verir ki, bu, Gürcüstan Milli Statistika Ofisinin hesabatında qeyd olunub.
Hesabata əsasən, cari ilin yanvar-may ayları ərzində Azərbaycandan Gürcüstana ümumilikdə 156 689,2 ABŞ dolları dəyərində 925 106,9 min ton qaz və qazlı hidrokarbonatlar ixrac edilib. Ötən ilin analoji dövrü ilə müqayisədə bu göstəricilər müvafiq olaraq 7,6% və 11,8% artıb.