“Heydər Əliyev tanınmış siyasi liderdir. Onun güclü iradəsi və xalqına qarşı dərin sevgisi var idi. Azərbaycan xalqı təhdidlərlə üz-üzə olanda o, həm daxili, həm də xarici çətinliklərin öhdəsindən gəldi”.
APA xəbər verir ki, bunu Heydər Əliyev Mərkəzində keçirilən "Heydər Əliyev 100: Həyatı və irsi" adlı tədbirdə Çin Hökumətinin Avropa Məsələləri üzrə xüsusi nümayəndəsi, BMT-nin Baş katibinin keçmiş əvəzi Vu Honqbo deyib.
Çinli rəsmi deyib ki, Heydər Əliyevin rəhbərliyi dövründə böyük layihələr həyata keçirildi, xüsusilə də enerji sahəsində: “Heydər Əliyev həmişə Azərbaycan xalqı tərəfindən həqiqi milli lider kim xatırlanacaq. O, həmçinin Çin xalqının yaxşı dostu idi. Ölkəmizə səfər edən Prezident Əliyev iki ölkə arasında münasibətlərin, ənənəvi ikitərəfli əməldaşlıq və dostluğun əsasını gücləndirdi. Onun səyləri nəticəsində iki ölkə arasında əlaqələr tədricən böyüdü, xalqlar arasında təmaslar gücləndi. Onun strategiyası İpək yolunu canlandırdı. Bu, həm Çinin, həm də Azərbaycanın xeyrinə idi. Azərbaycanın böyük lideri Çinin də dostu idi.
Bu günlərdə Azərbaycan Prezidenti İlham Əliyev ÇXR sədri Si Cinpini yenidən seçilməsi münasibətilə təbrik etdi. Bizim münasibətlərimiz bu gün də yaxındır və biz Çin olaraq Azərbaycanla qarşılıqlı inamı, ənənəvi dostluğumuz gücləndirməyə hazırıq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
