AFFA İntizam Komitəsinin növbəti iclası keçirilib.
Apasport.az saytının məlumatına görə, toplantıda Region Liqasının 1/4 final mərhələsinin “Cəbrayıl” - “Energetik” (Mingəçevir) oyununda baş verən insident müzakirə olunub.
“Energetik”in prezidenti Ruslan Həmidov hakimlər briqadasını təhqir etdiyi üçün 5 oyunluq cəzalanıb.
Matçın 90+3-cü dəqiqəsində hakimlər briqadasını təhqir edən və referiyə fiziki təsir göstərən Mingəçevir klubunun 3 oyunçusu Elvin Əlizadə, Allahverdi Allahverdiyev və Tural Məmmədzadə 14 oyunluq diskvalifikasiyaya məruz qalıblar.
Eyni zamanda cəzası davam edən digər futbolçu Orxan Əlibabayev həmin dəqiqədə hakimlərə fiziki təsir göstərdiyi üçün 10 matçlıq cəza alıb.
Qarşılaşma 90+3-cü dəqiqədə yarımçıq dayandırıldığından, “Energetik”ə 0:3 hesablı texniki məğlubiyyət verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
