Şimali Makedoniyanın paytaxtı Skopyedə təlim-məşq toplanışında olan 16 yaşadək futbolçulardan ibarət Azərbaycan yığması hazırlıq çərçivəsində ilk oyununu keçirib.
APA-nın məlumatına görə, yığmamız Şimali Makedoniyanın müvafiq yaş qrupundan ibarət komandası ilə qarşılaşıb.
Oyun 3:1 hesabı ilə meydan sahiblərinin xeyrinə başa çatıb. Yığmamızın heyətində Ağadadaş Salyanski fərqlənib.
Qeyd edək ki, komandalar arasında növbəti oyun iyunun 13-də, Bakı vaxtı ilə saat 13:00-da keçiriləcək.