“Belə ciddi fövqəladə vəziyyətin öhdəsindən gəlməyin yeganə düzgün variant yarışların mümkün olan istənilən yolla başa vurmaqdır”.
Apasport.az saytının məlumatına görə, bunu İtaliya Futbol Federasiyasının prezidenti Qabriele Qravina deyib.
O bildirib ki, koronavirus pandemiyası üzündən yarımçıq dayandırılan mövsümü bitirmək üçün istənilən variant məqbuldur: “Biz bir sıra variantlar üzərində işləyirik. Çempionatın mümkün bərpası üçün mayın 17-si nəzərdə tutulub. Amma bu tarix yalnız ehtimaldır. A seriyasının oyunlarının sentyabr, oktyabra qədər keçirilməsi də mümkündür. Bu yolla təkcə 2019/20 deyil, növbəti mövsümlə bağlı problemdən də qaçmaq olar”.
Qeyd edək ki, İtaliyada koronavirusa yoluxanların sayı 124 mini keçib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
