Hadisə

Ana səhifə

Hadisə

2006-cı ildə mina partlayışından 4 nəfər ölüb

23 yanvar 2007 12:54 (UTC +04:00)

“2006-cı ildə 20 minanın partlaması nəticəsində 4 nəfər həlak olub, 31 nəfər yaralanıb”. APA-nın məlumatına görə, Piyadalar Əleyhinə Minaların Qadağan Olunması Uğrunda Azərbaycan Kampaniyasının direktoru Hafiz Səfixanov bildirib ki, 2006-cı ildə baş verən hadisələr Bakının Şağan qəsəbəsində, Ağcabədi, Ağdam, Ağstafa, Gədəbəy, Tərtər, Goranboy, Qazax və Füzuli rayonları ərazisində qeydə alınıb. O, mina partlayışı nəticəsində Ərazilərin Minalardan Təmizlənməsi üzrə Milli Agentliyin (ANAMA) 2 əməkdaşının da xəsarət aldığını deyib: “Zərərçəkənlərin 11-i mülki şəxslərdir ki, onlardan 2-si həlak olub. Baş verən hadisələr zamanı zərər çəkənlərin 24 nəfəri hərbçilərdir. Onlardan da 2 nəfəri ölüb”. /APA/