Biləsuvarda sexdən oğurluq edən şəxs tutulub

Biləsuvarda sexdən oğurluq edən şəxs tutulub
  • Clock-gray 15:51
  • calendar-gray 02 Dekabr 2020

Biləsuvar Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayondakı qapı-pəncərə sexlərindən birindən oğurluq edən şəxs saxlanılıb.

Daxili İşlər Nazirliyinin Mətbuat Xidmətinin Lənkəran regional qrupundan APA-nın cənub bürosuna verilən məlumata görə, Biləsuvar rayonunun ərazisindəki qapı-pəncərə sexlərindən birindən müxtəlif adda ümumilikdə 1790 manat dəyərində qapı və pəncərə düzəltmək üçün istifadə olunan avadanlıqların oğurlanması ilə bağlı Biləsuvar RPŞ-yə müraciət edilib. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəxs müəyyən edilərək saxlanılıb. Araşdırmalarla onun Biləsuvar şəhər sakini S. Abdallı olduğu müəyyən edilib. Oğurlanmış avadanlıqların bir qismi həmin şəxsdən aşkar edilərək maddi sübut kimi götürülüb.

Faktla bağlı Biləsuvar RPŞ-də araşdırma aparılır.

Tural Kərimov

Digər xəbərlər