Bu gün saat 14:00 radələrində Lerik rayonunun Vizəzəmin meşəbəyliyində yanğın olub.
Ekologiya və Təbii Sərvətlər Nazirliyinin mətbuat xidmətindən APA-ya verilən məlumata görə, nazirliyin yerli qurumlarının və Fövqəladə Hallar Nazirliyinin yanğından mühafizə xidmətinin əməkdaşları tərəfindən yanğın saat 15:00 radələrində söndürülüb.
Yanğın zamanı 0,5 hektara yaxın ərazidə kol-kos və quru ot örtüyü yanıb.