Bir neçə gün əvvəl əsən güclü külək Gəncənin Qala divarı üzərində olan gerbini aşırıb.
APA-nın yerli bürosunun xəbərinə görə, artıq bir neçə gündür gerb aşmış vəziyyətdədir.
Gəncə Dövlət Tarix Mədəniyyət Qoruğundan APA-ya bildirilib ki, hadisə martın 20-də axşam saatlarında baş verib. Güclü külək nəticəsində Qala divarların üzərində yerləşən gerbin aşması barədə dərhal aidiyyatı qurumlara məlumat verilib.
Qoruğun direktoru Cumalik Rəhimov APA-ya bildirib ki, hadisə baş verən gün dərhal əraziyə baxış keçirilib və gerb bərpa olunacaq.
Qeyd edək ki, Gəncədə bir neçə gündür davam edən külək 10-dan çox evdə və binada fəsadlar yaradıb. Həmçinin Nizami Gəncəvi prospektində binanın üzərinə çəkilmiş üzlük daşlarının aşması nəticəsində iki nəfər xəsarət alıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
