Şəmkirdə yanğın hadisəsi baş verib.
APA-nın yerli bürosunun xəbərinə görə, hadisə rayonun Dəllər qəsəbəsi, Səməd Vurğun küçəsində qeydə alınıb.
Qəsəbə sakini 1978-ci il təvəllüdlü Anar Əliyevə məxsus, ümumi sahəsi 70 kvadratmetr olan 3 otaqlı evdə yanğın başlayıb. Dərhal hadisə yerinə FHN-nin Dövlət Yanğından Mühafizə Xidmətinin Şəmkir rayon Dövlət Yanğından Mühafizə Hissəsinin 2 yanğınsöndürən avtomobili və 15-ə yaxın canlı qüvvəsi cəlb olunub. Yanğın zamanı 3 otaqlı evin mətbəxi yanıb, ev yanğından mühafizə olunub. Ev sahibinin övladı, 2016-ci il təvəllüdlü Rəvan Əliyev alovun içindən yanğınsöndürənlər tərəfindən xilas edilib. Yanıq xəsarətləri alan azyaşlı xəstəxanaya yerləşdirilib, vəziyyətinin kafi olduğu bildirilir.
Hadisənin baş vermə səbəbləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
