"Beynəlxalq dəstək istədiyimiz səviyyədə deyil. Proses çox ləng gedir".
Bunu APA-ya açıqlamasında Azərbaycan Respublikasının Minatəmizləmə Agentliyinin İdarə Heyətinin sədri Vüqar Süleymanov deyib.
"Biz ANAMA olaraq müvafiq dövlət qurumları ilə birlikdə bu istiqamətdə işlər aparırıq və ümid edirik ki, yaxın gələcəkdə bu dəstəyin miqyası böyüyəcək" - o qeyd edib.
V.Süleymanov deyib ki, Laçın rayonu ərazisində 2021-ci il Ermənistan istehsalı olan piyada əleyhinə minaların tapılması onu göstərir ki, qarşı tərəf məkirli əməllərindən əl çəkmir:
"Müharibə bitsə də, Ermənistan hələ də mina istehsal edir və ərazilərimizdə basdırır”.