Xaçmaz Rayon Polis Şöbəsinə müraciət edən bir neçə rayon sakini, onlara məxsus evlərdən qapını sındırma yolu ilə, pul və qızıl zinət əşyalarının oğurlanması barədə məlumat veriblər.
Daxili İşlər Nazirliyinin Mətbuat Xidmətinin Quba regional qrupundan APA-ya verilən məlumata görə, daxil olmuş müraciətlərlə əlaqədar polis əməkdaşları tərəfindən keçirilmiş genişmiqyaslı əməliyyat-axtarış tədbirləri nəticəsində oğurluq hadisələrini törətməkdə şübhəli bilinən rayon sakinləri Mövlud Bəşirov və Calal Səfərəliyev saxlanılıblar.
Həmin şəxslərin müxtəlif vaxtlarda rayon ərazisində olan evlərdən külli miqdarda pul, qızıl zinət və müxtəlif növ qiymətli əşyaları oğurladıqları müəyyən edilib.
Faktlarla bağlı Xaçmaz RPŞ-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
