"Nar" ötən il 150-dən çox baza stansiyası quraşdırıb

"Nar" ötən il 150-dən çox baza stansiyası quraşdırıb
  • Clock-gray 11:34
  • calendar-gray 12 Mart 2021

Ötən il ərzində Azərbaycanın mobil rabitə operatoru "Nar" tərəfindən ümumilikdə 150-dən çox baza stansiyası quraşdırılıb ki, bununla da 4G baza stansiyalarının sayı 2 700-ü, 3G baza stansiyalarının sayı isə 2 800-ü ötüb.

"APA-Economics"in məlumatına görə, bunu şirkətin baş icraçı direktoru Qunnar Panke ilin yekunlarına həsr olunmuş konfransda deyib.

Onun sözlərinə görə, hazırda şəbəkədəki ümumi internetin təxminən 84%-i LTE-A texnologiyalı baza stansiyaları üzərindən verilir.

"Bundan başqa, ölkə ərazisində yeni baza stansiyaların quraşdırılması sayəsində 4G istifadəçilərin sayı 33% artıb. Bu göstərici üzrə xüsusi artım isə 52%-lə bölgələrdən olan istifadəçilərin payına düşür", - deyə Q. Panke qeyd edib.

O həmçinin əlavə edib ki, 2020-ci il ərzində "Nar" mobil rabitə operatoru tərəfindən müştərilərə göstərilən yüksək keyfiyyətli xidmət sayəsində müştəri loyallığı indeksi üzrə 30% artım qeydə alınıb.

Hüseyn Vəliyev

Digər xəbərlər