Türkiyənin Fövqəladə Halların İdarə Olunması Agentliyinə (AFAD) Azərbaycan bankları vasitəsilə ianələrə komissiya tutulmur.
Bunu "APA-Economics"ə açıqlamasında Azərbaycan Banklar Assosiasiyasının sədri Zakir Nuriyev deyib. O bildirib ki, ABA-nın bu gün növbədənkənar iclası keçirilib və Azərbaycanda fəaliyyət göstərən banklar bununla bağlı yekdilliklə qərar qəbul ediblər.
Qərara əsasən, həm AFAD-ın hesabına birbaşa kartla ödəmələrdə, həm də banklar vasitəsilə digər köçürmələrdə əlavə dəyər vergisi və komissiya tutulmur.