"Fitch" beynəlxalq reytinq agentliyinin proqnozlarına görə, 2020-ci ilin sonuna Azərbaycanın strateji valyuta ehtiyatları 38,3 mlrd. ABŞ dollar təşkil edəcək. Bu, 23 aylıq idxalı ödəmək üçün kifayətdir.
"APA-Economics"in agentliyə istinadən verdiyi məlumata görə, proqnoz ötən ilin yekununda qeydə alınan göstərici ilə müqayisədə 22,6% azdır. “Fitch” qeyd edir ki, Azərbaycanın güclü xarici balansı aşağı neft qiymətlərinin mənfi təsirini demək olar ki, bütövlüklə zərərləşdirir.
Qeyd edək ki, bu ilin iyul ayının 1-nə ölkənin strateji valyuta ehtiyatları 49,6 mlrd. dollar təşkil edib. Strateji valyuta ehtiyatları Azərbaycan Dövlət Neft Fondunun aktivlərindən (43,2 mlrd. dollar) və Mərkəzi Bankın rəsmi valyuta ehtiyatlarından (6,4 mlrd. dollar) ibarətdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
