Maliyyə

Ana səhifə

Maliyyə

Xarici investisiyar üçün dünyanın ən cəlbedici şəhərləri açıqlanıb - REYTİNQ

15 fevral 2021 16:10 (UTC +04:00)

"fDi Intelligence" jurnalı birbaşa xarici investisiyalar üçün dünyanın ən cəlbedici şəhərlərinin reytinqini hazırlayıb.

"APA-Economics"in "fDi"ın "Global City of the Future 2021/22" adlı hesabatına istinadən verdiyi məlumata görə, dünyanın xarici investisiyalar üçün ən cəlbedici şəhəri Sinqapur seçilib. Şəhərin iqtisadi potensialı, yüksək texnologiyalara yönümlülüyü və uyğunluğu və biznes mühitin əlverişli olması ona birinci yeri təmin edib. 2015-2020-ci illərdə təkcə tədqiqat və inkişaf sahəsinə bu şəhər xaricdən 210 mln. ABŞ dolları cəlb edib və bu, rekord göstəricidir. Reytinqin ikinci pilləsində Böyük Britaniyanın paytaxtı London şəhəri qərarlaşıb. Araşdırmaya görə, 2015-2020-ci illərdə sözügedən şəhər 2,6 mlrd. dollar dəyərində investisiya cəlb edib. Şəhərin güclü tərəfi kimi, təhsil infrastrukturu göstərilir.

İlk üçlüyü qapadan BƏƏ-nin Dubay şəhəridir. Şəhər son reytinqdən bəri üç pillə irəliləyərək hazırkı mövqeyinə yüksəlib. Əlverişli vergi sistemi, azad iqtisadi zonalar və yüksək təhsilli işçi qüvvəsi birbaşa xarici investisiyaların axınını artırır və gələcək illər üçün proqnozu yüksək saxlayır.

Birbaşa xarici investisiyalar üçün dünyanın ən cəlbedici şəhərlərinin reytinqi:

#	Şəhər	Ölkə
1	Sinqapur	Sinqapur
2	London	Böyük Britaniya
3	Dubay	BƏƏ
4	Amsterdam	Niderland
5	Dublin	İrlandiya
6	Honkonq	Honkonq
7	Nyu-York	ABŞ
8	Şanxay	Çin
9	Paris	Fransa
10	Tokio	Yaponiya
11	Pekin	Çin
12	Əbu-Dabi	BƏƏ
13	Banqalor	Hindistan
14	Münhen	Almaniya
15	Vrotslav	Polşa
16	Sürix	İşveçrə
17	Toronto	Kanada
18	Seul	Cənubi Koreya
19	Hyuston	ABŞ
20	Varşava	Polşa
21	Çikaqo	ABŞ
22	Moskva	Rusiya
23	San-Fransisko	ABŞ
24	Vilnüs	Litva
25	Monreal	Kanada