Bu gündən etibarən istənilən xarici ölkə vətəndaşının hava yolu ilə Gürcüstana daxil olmasına icazə verilib.
APA-nın yerli bürosu xəbər verir ki, Gürcüstan Qurumlararası Kordinasiya Şurasının bir neçə gün öncə qəbul etdiyi qərarına əsasən, bunun üçün sərhəd keçid məntəqəsində xarici ölkə vətəndaşından koronavirus (COVİD-19) əleyhinə vaksinin hər iki dozanın vurulması və ya tamamlanmış vaksinasiya haqqında sənəd tələb ediləcək. Sənəd təqdim edildiyi təqdirdə xarici ölkə vətəndaşı qeyd-şərtsiz Gürcüstana buraxılacaq.
Vaksinasiya olunmamış Avropa İttifaqı, İsrail, İsveçrə, ABŞ, Səudiyyə Ərəbistanı, BƏƏ və Bəhreyn vətəndaşları və ya rezidentəri üçün isə fərdi izolyasiya rejimi ləğv edilib və onlardan ölkəyə daxil olarkən son 72 saat ərzində edilmiş və cavabı neqativ olan “PZR” testi tələb ediləcək. Həmin şəxslər ölkəyə daxil olmalarının üçüncü günündə öz hesablarına təkrar testdən keçməli olacaqlar.
Qərara müvafiq olaraq Qurumlararası Kordinasiya Şurası hava yolu şirkətlərini Gürcüstana uçuşlar həyata keçirərkən tam vaksinasiyanı təsdiqləyən sənədi və ya neqativ cavablı “PZR” testinin nəticəsini təqdim etməyən sərnişinləri təyyarəyə buraxmamağa çağrıb.
Baş nazir Giorgi Qaxaria bir neçə gün öncəki açıqlamasında bildirib ki, ölkənin quru sərhədləri ilə daxil olma rejiminin dəyişdirilməsi istiqamətində də iş davam etdirilir və bu məqsədlə epidemioloji trendlər müşahidə edilir, vəziyyətin təhlilinə əsasən müvafiq qərarlar qəbul edilək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
