Kreml Rusiya ordusunun sayının artırılması səbəbini açıqlayıb

Kreml Rusiya ordusunun sayının artırılması səbəbini açıqlayıb
# 17 yanvar 2023 14:09 (UTC +04:00)

Rusiya ordusunun sayının artırılması Qərbin Rusiyaya qarşı apardığı proksi müharibə ilə bağlıdır.

APA-nın Moskva müxbirinin məlumatına görə, bunu Kremlin mətbuat katibi Dmitri Peskov Rusiya ordusunun sayının 1,5 milyona çatdırılması ilə bağlı suala cavabında bildirib.

Kremlin sözçüsü yeni səfərbərlik dalğasının olacağı ilə bağlı suala da cavab verib. Onun sözlərinə görə, səfərbərlik mövzusunun davam etdirilməsi daim xaricdən şişirdilir. Peskov səfərbərliklə bağlı Vladimir Putinin bəyanatlarına diqqəti yönəltməyin lazım olduğunu söyləyib.

Bundan əlavə, Rusiya prezidentinin sözçüsü Ukrayna kəşfiyyatının Putinin Baş Qərargah rəisi Valeri Gerasimova Donbasın 2023-cü ilin martına qədər azad edilməsi barədə göstəriş verdiyi barədə iddialara da münasibət bildirib. O, Kremlin bunu şərh etmədiyini söyləyib.

#
#

ƏMƏLİYYAT İCRA OLUNUR