“Mağara” abidəsinin ətrafındakı qanunsuz hasarlar sökülüb, abidəyə mühafizə lövhəsi vurulub

“Mağara” abidəsinin ətrafındakı qanunsuz hasarlar sökülüb, abidəyə mühafizə lövhəsi vurulub
  • Clock-gray 16:39
  • calendar-gray 11 Sentyabr 2020

Dübəndi qəsəbəsinin Xəzərsahili ərazisində yerləşən qayaüstü təsvirlər olan “Mağara” abidəsinə müdaxilənin qarşısı alınıb. 

Bu barədə APA-ya Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynli məlumat verib. 

O bildirib ki, bir müddət öncə böyük tarixi əhəmiyyətə malik olan abidə naməlum şəxslər tərəfindən qanunsuz hasarlanaraq üzərində tikinti işləri aparılmışdı: “Xəzər rayon İcra Hakimiyyəti ilə birgə hazırda qanunsuz hasarlar sökülüb, abidəyə mühafizə lövhəsi vurulub. Tarixi abidənin ətrafının tam təmizlənməsi istiqamətində işlər aparılır”.

Qeyd edək ki, e.ə IV-I minilliyə aid olan “Mağara” abidəsinə bir neçə dəfə naməlum şəxslər tərəfindən müdaxilə halları baş verib, ərazidə abidənin dövlət tərəfindən qorunması ilə bağlı qoyulan mühafizə lövhələri çıxardılaraq, abidənin  ətrafı hasarlanıb.

Mirmehdi Ağaoğlu

Digər xəbərlər