Minsk-2019: Azərbaycanın bədii gimnastika üzrə qrup komandası 6-cı olub

Minsk-2019: Azərbaycanın bədii gimnastika üzrə qrup komandası 6-cı olub
  • Clock-gray 20:18
  • calendar-gray 23 İyun 2019

Belarusun paytaxtı Minskdə keçirilən II Avropa Oyunlarında bədii gimnastika yarışları başa çatıb.

APA-nın yarışa ezam olunmuş əməkdaşının məlumatına görə, idmançılar qrup halında ayrı-ayrı növlər və çoxnovçulükdə mübarizə aparıblar.

Darya Sorokina, Zeynəb Hümmətova, Diana Əhmədbəyli, Ayşən Bayramova və Aliyə Paşayevadan ibarət Azərbaycanın qrup hərəkətləri üzrə komandası iki hərəkətin cəmində 44,975 xal yığıb. Təmsilçilərimiz ümumi nəticədə 6-cı yeri tutublar. Yarışın qalibi adını 52,600 xal toplayan Belarus qazanıb.

Gimnastlarımız beş topla hərəkətdə 20,700 xal yığıblar. Bu növdə Rusiya çempion olub – 27,300 xal.

Təmsilçilərimiz üç halqa və iki gürzlə isə 24,275 xala layiq görülüblər. Burada da Belarus hamını qabaqlayıb – 26,450.

apa-logo-mini

Digər xəbərlər

Arxiv

date