Bu ilin yanvar-may aylarında Rusiyanın avtomobil bazarında yalnız kupe və kabrioletlərin satışı artıb.
"APA-Economics" xəbər verir ki, bu barədə "Avtostat" analitik agentliyinin məlumatında deyilir.
Yanvar-may aylarında rusiyalılar 3,370 min kupe və kabriolet tipli avtomobil alıb ki, bu da 2019-cu ilin eyni dövrü ilə müqayisədə 5% çoxdur. May ayında bütün avtomobillərin satışı 53%, kupe və kabrioletlərin satışı isə 40% azalıb.
Cari ilin yanvar-may aylarında Rusiyadakı bütün növ (kupe və kabrioletlər istisna) yeni minik avtomobillərinin satışı 25% azalıb. Ən böyük azalma "A" seqmentində qeydə alınıb – kiçik şəhər avtomobillərinin ("citycar") satışı 78%. Ən kiçik azalma isə pikapların satışında olub – 16%.
Rusiyada avtomobil satışları böhrandan əvvəlki səviyyəyə gələn il yüksələ bilər. Rusiyanın Sənaye və Ticarət naziri Denis Manturov jurnalistlərə verdiyi müsahibədə qeyd edib ki, nazirlik 2021-ci ildə satışların bərpa olunacağına ümid edir.
Xatırladaq ki, 2019-cu ildə Rusiyada avtomobillərin satışı əvvəlki ilə nisbətən 2,3% azalaraq 1,759 mln. vahid təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
