Beynəlxalq Enerji Agentliyi (IEA) 2021-ci ildə qlobal neft tələbatının artımı ilə bağlı proqnozunu təxminən 0,2 mln. barel azaldıb.
"APA-Economics"in IEA-ın aylıq hesabatına istinadın verdiyi məlumata görə, beləliklə, bu il neftə olan gündəlik tələbat 5,4 mln. barel artaraq 96,4 mln. barel təşkil edəcək.
Hesabata əsasən, bu ilin I rübündə gündəlik tələbatın 1 mln. barel azalacağı (2020-ci ilin IV rübü ilə müqayisədə) ehtimal edilir. Lakin ilin ikinci yarısında müsbət iqtisadi perspektivlər neftə olan tələbatın artımına səbəb ola bilər.
Hesabatda vurğulanır ki, qeyd olunan həcmlərdə tələbatın artımı 2020-ci ildə pandemiya səbəbindən itirilmiş həcmin 60%-nin bərpası deməkdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
