“Böyük Britaniya ilə icbari tibbi sığorta sahəsində əməkdaşlığa hazırıq”.
APA xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev “Birləşmiş Krallıq səhiyyədə sizin həmkarınızdır” tədbirində bildirib.
O deyib ki, Azərbaycanda artıq neçə ildir ki, başqa ölkələrin icbari tibbi sığorta modeli araşdırılıb: “Bunların sırasında Böyük Britaniyanın da icbari tibbi sığorta modeli var idi. Artıq bir ildir ki, Azərbaycanda icbari tibbi sığorta tətbiq olunmağa başlayıb. Biz daim başqa ölkələrin təcrübələrini izləyirik. Bu səbəbdən Böyük Britaniyanın da təcrübəsi bizim üçün vacib idi. Xüsusilə ilkin səhiyyə xidməti. Britaniyanın digər bir müsbət tətbiqi isə özəl və dövlət klinikalarının tərəfdaşlığıdır. Mən bir müddət Britaniyada yaşamışam, orada demək olar ki, ilkin səhiyyə xidmətindən sonrakı səhiyyə xidmətlərinə müraciət etmirdik. Lakin Azərbaycanın reallıqları nəzərə alınaraq fərqli model seçilib. Nə qədər fərqli olsa da, tək bir amal var və bu da vətəndaşların tibbi xidmətə əlçatanlığı təmin etmək, eləcə də universal tibbi təminata nail olmaqdır. İcbari Tibbi Sığorta üzrə Dövlət Agentliyi olaraq səhiyyə sahəsinin inkişafı üçün Britaniyanın səhiyyə şirkətləri ilə görüşlərə və müzakirələrə hazırıq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
