2021-ci ildə sosial islahat zərflərinin əhatə dairəsi açıqlanıb.
APA-nın məlumatına görə, Dövlət Sosial Müdafiə Fondunun (DSMF) İdarə Heyətinin sədri Himalay Məmişov ilin yekunları ilə bağlı keçirilən mətbuat konfransında bildirib ki, bu il I sosial islahat zərfi 3 milyon nəfəri əhatə edib və maliyyə yükü 1.9 milyard manat olub.
O bildirib ki, II sosial islahat zərfinin əhatə dairəsi 2.1 milyon nəfəri əhatə edib və maliyyə yükü 2 milyard manat təşkil edib: “Hazırda III sosial islahat zərfi həyata keçirilir ki, bunun da əhatə dairəsi 2.1 milyon nəfər, maliyyə yükü 1.5 milyard manat təşkil edir”.