Hollandiya millisi Azərbaycanla oyuna yeni baş məşqçi ilə çıxacaq

Hollandiya millisi Azərbaycanla oyuna yeni baş məşqçi ilə çıxacaq
  • Clock-gray 13:22
  • calendar-gray 07 Oktyabr 2019

Qadın voleybolçulardan ibarət Hollandiya millisinin baş məşqçisi Ceymi Morrison istefaya göndərilib. 

APA-nın məlumatına görə, amerikalı mütəxəssisin postundan kənarlaşdırılmasına son yarışlardakı nəticələr səbəb olub. 

Baxmayaraq ki, 2017-ci ilin fevralından bu vəzifədə çalışan C. Morrison tarixi nailiyyətlərə imza atıb. Covanni Quidettini əvəzləyən mütəxəssisin DÇ-2018-də 4 yer tutub ki, bu da “narıncılar”ın mundaildakı ən yaxşı nəticəsidir. Yığma Bakıda keçirilən AÇ-2017-də gümüş medal qazanıb. Lakin bu il komanda qarşısına qoyulan heç bir hədəfə çata bilməyib. Avropa çempionatında 1/4 finalda uduzan hollandlar Olimpiya Təsnifat Turnirində də uğursuz çıxış ediblər. Dünya Kubokunda isə 8-ci olublar.

Məşqçi dəyişikliyi 2020-ci ilin yanvarında Hollandiyanın Apeldorn şəhərində keçiriləcək Avropa Olimpiya Təsnifat Turnirində uğurlu çıxışa hesablanıb. A qrupunda Azərbaycan, Polşa və Bolqarıstanla oyun ev sahibləri üçün yeni baş məşqçi ilə ilk ciddi sınaq olacaq. 

apa-logo-mini

Digər xəbərlər

Arxiv

date