Rusiya XİN Qarabağda beynəlxalq missiyanın yerləşdirilməsi ideyasına münasibət bildirib: Bakının da razılığı tələb olunur

Rusiya XİN Qarabağda beynəlxalq missiyanın yerləşdirilməsi ideyasına münasibət bildirib: Bakının da razılığı tələb olunur
# 23 mart 2023 16:22 (UTC +04:00)

Rusiya Xarici İşlər Nazirliyi Qarabağda beynəlxalq missiyanın yerləşdirilməsi ideyasına münasibət bildirib.

APA-nın Moskva müxbiri xəbər verir ki, Rusiya XİN rəsmi nümayəndəsi Mariya Zaxarova bu gün keçirdiyi brifinqdə “Ermənistan XİN başçısı Ararat Mirzoyan “İrəvan Qarabağa beynəlxalq missiyanın göndərilməsinə məsələsində Moskva ilə əməkdaşlığa ümid edir” bəyanatı ilə çıxış edib. Bəs Rusiya Ermənistanın Qarabağda beynəlxalq missiyanın yerləşdirilməsi ideyasına necə yanaşır?” suala cavabında 10 noyabr 2020-ci il tarixli üçtərəfli bəyanata əsasən, Qarabağda Rusiya hərbi kontingentinin yerləşdirildiyini xatırladıb.

“Bir çox məsələlər əlbəttə ki, tərəflərin özlərinin siyasi iradəsindən asılıdır. Vacibdir ki, üçtərəfli razılaşmaların bütün müddəalarına riayət olunsun. Çünki, bu razılaşmalar Ermənistan-Azərbaycan münasibətlərinin normallaşmasının “yol xəritə”sini müəyyən edib. O ki qaldı yeni missiyaya, bunun üçün İrəvanın olduğu kimi Bakının da razılığı tələb olunur. Lakin bugünkü gün biz belə şeyi görməmişik. Hər iki tərəfin bununla bağlı (Qarabağda beynəlxalq missiyanın yerləşdirilməsi-red) razılığının mövcudluğunu nəzərdə tuturam”, deyə Rusiya XİN sözçüsü vurğulayıb.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR