Xüsusilə qeyd olunmalıdır ki, Pakistan ilə strateji tərəfdaşlıq münasibətlərimiz 2021-ci ildə uğurla inkişaf edib.
APA-nın xəbərinə görə, bu, Xarici İşlər Nazirliyinin (XİN) 2021-ci ilin yekunlarına dair mətbuat buraxılışında əksini tapıb.
“Azərbaycan Respublikasının Prezidenti İlham Əliyev 28 noyabr 2021-ci il tarixində Aşqabadda Pakistanın İslam Respublikasının Prezidenti Arif Alvi ilə görüşüb, 13-14 yanvar 2021-ci ildə Azərbaycan Respublikasının xarici işlər naziri Ceyhun Bayramov Pakistan İslam Respublikasına rəsmi səfər edib, 1–2 dekabr 2021-ci ildə Bakıda Azərbaycan–Pakistan Birgə Hökumətlərarası Komissiyanın 7-ci iclası keçirilib”, - qeyd olunub.