Bu ilin yanvar-iyul aylarında Rusiyanın Volqoqrad vilayətindən Azərbaycana 16,5 mln. ABŞ dolları dəyərində kənd təsərrüfatı məhsulları ixrac edilib.
"APA-Economics" xəbər verir ki, bu barədə regional Kənd Təsərrüfatı Komitəsi məlumat yayıb.
Bildirilir ki, hesabat dövründə bölgənin kənd təsərrüfatı ixracatının ümumi həcmi təqribən iki dəfə artıb. Cari ilin ilk yeddi ayında ixracın dəyəri 145,7 mln. dollar təşkil edib ki, bu da 2020-ci ilin eyni dövrü ilə müqayisədə 1,9 dəfə çoxdur.
Volqoqrad vilayətinin aqrar sənaye kompleksinin məhsulları 50-dən çox ölkəyə ixrac olunub.
Volqoqrad ərzaq məhsulları daha çox Qazaxıstanda (16,2% və ya 25 mln. dollar), Latviyada (15,8% və ya 24,4 mln. dollar), Azərbaycanda (10,6% və ya 16,5 mln. dollar) və Türkiyədə (8,1% və ya 12,6 mln. dollar) populyardır.
Bölgənin əsas məqsədi yalnız ixracatın həcmini artırmaq deyil, həm də istiqamətləri genişləndirməkdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
