Türkiyə Prezidenti Rəcəb Tayyip Ərdoğan Qətər səfərindən dönərkən yerli jurnalistlərə açıqlama verib.
APA-nın yerli müxbirinin “Sabah” qəzetinə istinadən verdiyi xəbərə görə, Ərdoğan Ukrayna və Rusiya arasında gərginliyi aradan qaldırmaq üçün Türkiyənin vasitəçilik etməyə hazır olduğunu diqqətə çatdırıb.
“Biz Ukraynada və ona yaxın ərazilərdə vəziyyəti izləyirik. Rusiya ilə Ukrayna arasında gərginliyin artmasını istəmirik, əksinə regionda sabitliyin qalmasını istəyirik. Son həftələr artan gərginliyin de-eskalasiyası üçün dəstəyimizi verməyə və dialoq qurmağa yardımçı olmaq niyyətindəyik. Hər iki tərəfin razılığı ilə dəstək, vasitəçilik yaxud digər istənilən formatda yardım göstərməyə hazırıq”, - deyə Türkiyə Prezidenti söyləyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
