İtaliyanın “Kyevo” klubu B seriyasından kənarlaşdırılıb.
Apasport.az saytının məlumatına görə, Verona təmsilçisi bu liqada oynamaq üçün qeydiyyatdan keçə bilmədiyi üçün yarışa buraxılmayıb.
Buna səbəb klubun maliyyə sabitliyi barədə sənəd təqdim edə bilməməsidir. Qaydalara əsasən İtaliyada hər bir klub bu sənədi təqdim etməlidir.
“Kyevo”nun maliyyə durumunu “Co.Vi.So.C” şirkəti yoxlayıb və mənfi qiymətləndirib. Bu üzdən də klub B seriyasından çıxarılıb. Lakin veronalılar dərhal apelyasiya verib və şikayətin müsbət nəticəsinə ümid edir.
Qeyd edək ki, vaxtilə A seriyasında da oynamış “Kyevo” ötən mövsüm B seriyasında 8-ci yeri tutub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
