Türkiyədə daha bir baş məşqçi istefası reallaşıb.
Apasport.az saytının məlumatına görə, "Rizəspor" çalışdırıcısı İsmail Kartalla yollarını ayırıb.
Buna səbəb komandanın Super Liqanın XXIV turunda "Trabzonspor"a səfərdə böyükhesablı məğlubiyyəti (2:5) olub. Qarşılaşmadan sonra klub rəsmi saytı vasitəsilə Kartalın istefa ərizəsini rəhbərliyə təqdim etdiyini yazıb. Çalışdırıcının istefası artıq qəbul olunub.
Qeyd edək ki, "Rizəspor" hazırda 24 xalla turnir cədvəlinin 14-cü pilləsində qərarlaşır.