“Zirə”nin sabiq qapıçısı Boyan Zoqoviç özünə yeni klub tapıb.
Apasport.az saytının məlumatına görə, 2019/20 mövsümünün ardından Bakı klubundan ayrılan monteneqrolu karyerasını Serbiyada davam etdirəcək.
O, bu ölkənin “Kolubara” klubuna keçib. Qapıçının yeni komandası Serbiya çempionatının 1-ci liqasında mübarizə aparır. Ötən mövsüm 5-ci yeri tutan komanda Super Liqaya vəsiqə qazana bilməyib.
Qeyd edək ki, Zoqoviç “Zirə”də 8 oyuna 13 qol buraxıb.