“Azərbaycanın görkəmli aktyoru, bizim hamımızın sevimlisi Arifi itirmək ağırdır".
APA-nın xəbərinə görə, bunu xalq artisti Arif Quliyev ilə vida mərasimində əməkdar artist Elxan Qasımov deyib.
O bildirib ki, Arif vəfat etsə də, oynadığı rollarla daim yaşayacaq: "Bizim təsəllimiz odur ki, onun oynadığı rollar bundan sonra daha da şirinləşəcək, bəzi insanlarda paxıllıq və qibtə hissi ikinci plana gedəcək. Çünki indi o, haqq dünyasındadır. Mənə ancaq o təsəlli verir. Arif heç kimə pislik etməyib. Xeyirxah, səxavətli insan olub. O, haqq dünyasında ən yaxşı yerdədir. Allah rəhmət eləsin.”
***
12.11
“Arif Quliyev özünəməxsus, gözəl sənətkar idi”.
Bunu APA-ya açıqlamasında Xalq artisti Valeh Kərimov deyib.
O bildirib ki, A. Quliyev bir teatra sığımırdı: “Özü truppa yaradır, hansısa teatrda bir neçə ay işləyirdi, sonra digər teatra keçirdi. İçi dolu idi. İstedadlı insan idi. Həyatda nə qədər enerjisi var idisə, səhnədə də elə idi. İnsansevər idi, hamıya mehriban idi. O gələndə hamı sevinirdi ki, Arif gəlir. Belə sənətkarlar az olur. Arif haqqında 100 adam danışsa, hamısı yaxşı, xoş sözlər deyər. Adətdir, ölən haqqında yaxşı söz deyirlər, amma bu, təbii bir şeydir ki, Arif haqqında hamı çox sözlər danışa bilər. Yaxşı insan, əliaçıq bir adam olduğunu, böyüyə, kiçiyə hörmət etdiyini hamı deyər. Özünü hamıdan kiçik sayırdı, amma özü böyük insan idi”.
V. Kərimov qeyd edib ki, A.Quliyev xalq adamı idi, xalqın içindən çıxmışdı: “Kimsəsizlərə əl tutardı. Azərbaycan teatrı çox itkilər verib. Onlardan biri də Arif Quliyevdir. Allah ona rəhmət eləsin”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
