Bakı-Tbilisi-Bakı qatarı ilə Gürcüstan ərazisinə getmək üçün alınmış biletlərə görə ödənilən məbləğ "Azərbaycan Dəmir Yolları" QSC (ADY) tərəfindən tam həcmdə geri qaytarılır.
QSC-dən "APA-Economics"ə verilən məlumata görə, biletlərin qaytarılması prosesi normal qaydada davam edir.
Qeyd edək ki, Məlumat verdiyimiz kimi, 2020-ci il 14 mart saat 00:00-dan etibarən on günlük müddətə Azərbaycan və Gürcüstan arasında dövlət sərhədinin bütün nəqliyyat vasitələri üçün müvəqqəti bağlanması ilə əlaqədar Bakı-Tbilisi-Bakı sərnişin qatarı Böyük Kəsik stansiyasına qədər hərəkət edib Bakıya qayıdır. Bununla bağlı Bakı-Tbilisi-Bakı sərnişin qatarının Azərbaycan ərazisindəki hərəkət cədvəlinə, stansiyalara çatma və yola düşmə vaxtlarına dəyişiklik edilməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
