Bu ilin yanvar-fevral ayları üzrə Naxçıvan Muxtar Respublikasında informasiya və rabitə xidmətlərinin dəyəri 2019-cu ilin müvafiq dövrü ilə müqayisədə 1,1% artaraq 9 372,5 min manat təşkil edib.
"APA-Econonics"in Naxçıvan Dövlət Statistika Komitəsinə istinadən verdiyi məlumata görə, hesabat dövründə ümumi xidmətlərin 81,4%-i mobil rabitənin payına düşüb. Bu ilin ilk iki ayında mobil rabitə xidmətlərinin dəyəri ötən ilin müvafiq dövrünün göstəricisini 2,7% üstələyərək 7 637,5 min manat təşkil edib.