Ermənistanda son sutka ərzində yeni növ koronavirusa (COVID-19) 175 yoluxma qeydə alınıb.
APA-nın "Sputnik Armenia"ya istinadən verdiyi xəbərə görə, bu barədə ölkənin Səhiyyə Nazirliyi məlumat yayıb.
Ermənistanda indiyədək koronavirusa yoluxanların ümumi sayı 43626 nəfərə çatıb.
Son 24 saatda 3 nəfər koronavirusdan vəfat edib ki, bununla da Ermənistanda indiyə qədər bu xəstəlikdən ölənlərin ümumi sayı 872 nəfərə yüksəlib.
İndiyə qədər xəstəlikdən 37563 nəfər sağalıb. Hazırda 4925 nəfərin müalicəsi davam edir.