Rusiyanın Yaroslavl şəhərində qaz partlayışı nəticəsində dağılmış binada axtarış-xilasetmə işləri başa çatıb.
APA-nın RİA novosti agentliyinə istinadən verdiyi məlumata görə, Rusiya Fövqəladə Hallar Nazirliyinin Regional Qərargahının rəhbəri Oleq Boçarov bildirib ki, sonuncu olaraq 8 yaşlı uşağın meyiti dağıntılar altından çıxarılıb.
O, bütün sakinlərin aqibətinin məlum olduğunu, hadisə nəticəsində 3 nəfərin öldüyünü, dörd nəfərin müxtəlif dərəcəli xəsarətlər aldığını deyib.
Partlayış nəticəsində 12 mənzilə ziyan dəyib, onlardan altısı tamamilə dağılıb.
***
06.11
Rusiyanın Yaroslavl şəhərində çoxmərtəbəli yaşayış binasında baş verən partlayışdan sonra 38 nəfərin taleyi barədə məlumat yoxdur.
APA RİA Novosti-yə istinadən xəbər verir ki, bu barədə Rusiya Fövqəladə Hallar Nazirliyinin Regional Qərargahının rəhbəri Oleq Boçarov bildirib.
FHN rəsmisinin sözlərinə görə, xilasedicilərə verilən siyahıda binaya daxil olan 115 nəfərin adları qeyd edilib: “Siyahıda olanlardan 77 nəfərin sağ olması müəyyənləşib, onlardan 4-ü xəstəxanaya yerləşdirilib, 2-si ölüb. Lakin 38 nəfərin taleyi məlum deyil”.
Boçarov bir uşağın və ananın dağıntılar altında axtarılması barədə məlumatı təsdiqləyib.
O əlavə edib ki, binada olan 160 nəfər təxliyə edilib.
Hadisə ilə bağlı İstintaq Komitəsi və Prokurorluq araşdırmaya başlayıb.
Qeyd edək ki, ötən gün Rusiyanın Yaroslavl şəhərində yaşayış binasında partlayış baş verib.
Qaz sızması nəticəsində baş verən partlayış zamanı 2 nəfər ölüb, daha 4 nəfər yaralanıb.
***
21 avqust, saat 22:31
Rusiyanın Yaroslavl şəhərində yaşayış binasında qaz sızması nəticəsində baş verən partlayışda yaralıların sayı 4 nəfərə çatıb.
APA RİA Novosti-yə istinadən xəbər verir ki, bu barədə Fövqəladə Hallar Nazirliyinin Regional xidmətindən bildirilib.
Qeyd edilib ki, partlayışdan sonra yanğın baş verib. 60 nəfərdən çox sakin binadan təxliyə edilib.
***
21 avqust, saat 21:40
Rusiyanın Yaroslavl şəhərində yaşayış binasında partlayış baş verib.
APA RİA Novosti-yə istinadən xəbər verir ki, bu barədə Fövqəladə Hallar Nazirliyinin Regional xidmətindən bildirilib.
İlkin məlumata görə, Batova küçəsindəki 5 nömrəli binada qaz sızması nəticəsində baş verən partlayış zamanı bir nəfər ölüb, üç nəfər yaralanıb.
Binanın 3-5-ci mərtəbələrinin ön hissəsi çöküb.
Zərərçəkənlərlə bağlı məlumatlar dəqiqləşdirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
