Rusiyanın "Qazprom" şirkəti 2019-cu ildə qaz hasilatını 0,5% artıraraq 2012-ci ildən bəri ən yaxşı nəticəyə nail olub.
"APA-Economics"in TASS-a istinadən verdiyi xəbərə görə, bunu cümə axşamı jurnalistlərə "Qazprom"un sədri Aleksey Miller deyib.
Uzaq xaricə qaz ixracı 2018-ci ilin "rekord" səviyyəsi ilə müqayisədə 1,3% azalaraq 199,2 mlrd. kubmetr təşkil edib, lakin bu, 2017-ci ilin göstəricisindən 2,5% çoxdur. Ötən il ərzində "Qazprom"un qonşu ölkələrə qaz ixracı 2,2% artaraq 37,7 mlrd. kubmetrə çatıb. Ümumilikdə, şirkət 2019-cu ildə ixraca 236,9 mlrd. kubmetr qaz yönəldib.
Qeyd edək ki, 2019-cu ildə "Qazprom" Çinə qaz nəql etməyə başlayıb və artıq bu ölkəyə 328 mln. kubmetr göndərilib. Bu həcm layihədə nəzərdə tutulmuş 38 mlrd. kubmetrə qədər artırılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
