Azərbaycanla Türkiyə gənclər və idman sahəsində əməkdaşlıq üçün birgə İşçi Qrup yaradır

Azərbaycanla Türkiyə gənclər və idman sahəsində əməkdaşlıq üçün birgə İşçi Qrup yaradır
# 18 iyun 2021 10:13 (UTC +04:00)

Gənclər və idman nazirinin müavini İntiqam Babayev Türkiyənin Gənclər və İdman naziri Dr.Mehmet Kasapoğlu ilə görüşüb.

Nazirliyin mətbuat xidmətindən APA-ya verilən xəbərə görə, görüşdə dövlət başçıları İlham Əliyev və Rəcəb Təyyub Ərdoğanın Şuşa görüşünün tarixi əhəmiyyəti qeyd edilib və iki dövlət arasında münasibətlərdə yeni mərhələnin başlanğıcı olan Şuşa Bəyənnaməsinin önəmi vurğulanıb. 

Görüş zamanı Azərbaycan Respublikası ilə Türkiyə Respublikası arasında iqtisadi əməkdaşlıq üzrə Birgə Hökümətlərarası Komissiyanın 9-cu iclasının protokolunun gənclər və idman sahəsinə aid olan bəndlərinin icrasının sürətləndirilməsi barədə fikir mübadiləsi aparılıb.

Münasibətlərin daha da dərinləşdirilməsi üçün birgə Azərbaycan-Türkiyə arasında birgə gənclər forumları, gənclər düşərgələri və mübadilə proqramlarının keçirilməsi, Gənclər Evləri və Mərkəzləri arasında əməkdaşlıq əlaqələrinin inkişaf etdirilməsi, daimi olaraq qarşılıqlı təcrübə və məlumat mübadiləsinin aparılması, müxtəlif istiqamətlərdə nümayəndə heyətləri formatında səfərlərin təşkili və s.  bu kimi məsələlər müzakirə edilib.

Qeyd edək ki, yaxın günlərdə Azərbaycan və Türkiyə arasında gənclər və idman sahəsində əməkdaşlığın inkişaf etdirilməsi üçün birgə İşçi Qrupun yaradılması və ilk iclasının keçirilməsi nəzərdə tutulub.

#
#

ƏMƏLİYYAT İCRA OLUNUR