Fövqəladə Hallar Nazirliyinin (FHN) Şimal-qərb Regional Mərkəzində “Fövqəladə halların nəticələrinin aradan qaldırılması zamanı idarəetmənin təşkili” mövzusunda qərargah məşqi keçirilib.
APA-nın FHN-in saytına istinadən verdiyi məlumata görə, məşq Mərkəzin şəxsi heyətinin peşə hazırlığı səviyyəsinin daha da yüksəldilməsi, zabitlərin baş vermiş fövqəladə hadisənin qiymətləndirilməsi, hərtərəfli təhlilin aparılması və fövqəladə hadisələrin nəticələrinin aradan qaldırılması üçün düzgün qərar qəbuletmə bacarıqlarının təkmilləşdirilməsi məqsədilə təşkil olunub.
Qərargah məşqində verilən əməliyyat tapşırıqları şəxsi heyət tərəfindən müvəffəqiyyətlə yerinə yetirilib.
Sonda məşqin nəticələri müzakirə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
