Bakı. Hafiz Heydərov - APA. Bakıda üç nəfərdən silah götürülüb. Bakı şəhər Baş Polis İdarəsindən APA-ya verilən məlumata görə, Sabunçu Rayon Polis İdarəsinin Cinayət Axtarış Şöbəsi əməkdaşlarının keçirdiyi əməliyyat tədbirləri nəticəsində, Nardaran qəsəbə sakini Fərhad Şahbazovdan sandıqçasında 8 ədəd patronu olan 1 ədəd «Makarov» markalı tapança aşkar edilərək götürülüb.
Bundan başqa, Zabrat qəsəbəsi Axundov küçəsində yaşayan Məhəbbət İsmayılovun yaşadığı evdən 1 ədəd lüləsi və qundağı kəsilmiş tək lülə ov tüfəngi və 26 ədəd patron, Nəsimi polisinin keçirdiyi əməliyyat tədbirləri nəticəsində isə, Gəncə şəhər sakini Elman Rzayevdən darağında 1 ədəd patronu olan «FN 1906» markalı, 6,35 kalibrli tapança aşkar edilərək götürülüb.
Hər üç faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
