Futbol

Ana səhifə

Futbol

FİFA futbol matçlarında qolların avtomatik müəyyən olunması sistemini qəbul edib

05 iyul 2012 23:14 (UTC +04:00)

Bakı-APA. FİFA futbol matçlarında vurulan qolların avtomatik müəyyən olunması sistemini (goal-line technology - GLT) qəbul edib.
APA-nın lenta.ru saytına istinadən verdiyi xəbərə görə, müvafiq qərar FİFA-nın Sürixdəki qərargahında keçirilən iclasında qəbul olunub.
Bu sistem 2012-ci ilin dekabrında Yaponiyada baş tutacaq futbol klubları arasında Dünya Çempionatında, 2013-cü ildə keçiriləcək Konfederasiya Kubokunda və 2014-cü ilin Dünya Çempionatında tətbiq olunacaq.

FİFA-nın qəbul etdiyi qərar digər futbol turnirlərinin təşkilatçılarına bu sistemdən istifadə etməyə ixtiyar vermir.
Hal-hazırda iki sistem - GoalRef və Hawk-Eye testdən keçirilir. Qolların avtomatik müəyyən olunması sistemi hakim səflərinə yol verməmək üçün imkan yaradır.
İclasda FİFA matç vaxtı 5 hakimdən istifadə olmasını da təsdiq edib və qadın-futbolçuların hicabda çıxış etməsinə qoyulan qadağanı ləğv edib.